"Գիրք՝ Newmag-ի հրատարակության: Կազմը՝ հաստ: 2018-ի մայիսին Անին պարզում է, որ արյան քաղցկեղ ունի: Գերմանիայում բնակվող մորն այս շոկային լուրն անհավանական է թվում։ Բայց բժիշկները խորհուրդ են տալիս բուժումը սկսել առանց հապաղելու։ Այնքան հապշտապ է արվում ամեն ինչ, որ նույնիսկ գործերը կարգի բերելու ժամանակ չի լինում։ Հոսպիտալացումից 2 օր անց պարզվում է, որ Անիի արյան քաղցկեղն ամենաբարդ տեսակն է։ Ապաքինման հավանականությունը շատ ցածր էր։ Այնուամենայնիվ, նա որոշում է սկսել ու շարունակել բուժումը։ Կանցնի մի քանի ամիս, եւ Անին կորոշի դադարեցնել բուժումն ու գնալ տուն... Վավերագրությանը բնորոշ անկեղծությամբ գրված այս դրամատիկ հուշագրությունը ներկայացնում է երիտասարդ կնոջ պայքարի բարդ ուղին, բախտորոշ որոշումներ կայացնելու դժվարությունները, ծանր մտորումները կյանքի ու մահվան սահմանագծին։ Այս պատմությունը չափազանցված չէ, դեպքերն ու դեմքերը փոփոխված չեն։ Հեղինակը փոխանցում է իր անձնական փորձը, որը կարող է հուզել, վախեցնել, բայց նաեւ ոգեւորել եւ օրինակ ծառայել։ Առաջին անգամ հայ կինը հրապարակավ խոսում է իր ամենածանր հիվանդության, ամենակուլ վախի ու ամենամեծ հաղթանակի մասին։ Անի Քոչարը (ծնվ. 1986 թ.) ավարտել է ԵՊՀ Ժուռնալիստիկայի ֆակուլտետը։ Լրագրողի կարիերան սկսել է 2000 թվականից «Կանչ», «Արևածաղիկ» պարբերականներում, հետո «Հանրային ռադիոյում»։ 2006-ին ստեղծել և ղեկավարել է «Ես» երիտասարդական ամսագիրը: 2010-ին հիմնել է «Անի Քոչար փրոդաքշն» մեդիաընկերությունը: 2014-ից բնակվում է Գերմանիայում։ Որպես թարգմանչուհի և փախստականների գծով խորհրդատու, աշխատում է Բիլեֆելդ քաղաքի Սոցիալական հարցերի գերատեսչությունում և այլ մարդասիրական կազմակերպություններում:160էջ"
